29 მაისს, 19:00 საათზე, თიბისი გალერეაში შედგება ევგენი მიქელაძის სახელობის საორკესტრო საკრავებზე (სიმებიანი და ჩასაბერი) ახალგაზრდა შემსრულებელთა პირველი ეროვნული კონკურსის გალა-კონცერტი და დაჯილდოება!
კონცერტში მონაწილეობას მიიღებს მე-19 სამუსიკო სკოლის სასულე ორკესტრი.
გამარჯვებულები დაჯილდოვდებიან სხვადასხვა ასაკობრივ კატეგორიებში - დიპლომებითა და ფულადი პრემიებით.
საორკესტრო საკრავებზე შემსრულებელთა კონკურსი საქართველოში წელს დაფუძნდა და მიზნად ისახავს ქართული საორკესტრო საკრავების პოპულარიზაციას და, ზოგადად, ამ მუსიკალური მიმართულების განვითარებას.
კონკურსი ჩატარდა მთელი საქართველოს მასშტაბით და მასში ასზე მეტი ახალგაზრდა მუსიკოსი მონაწილეობდა.
გთხოვთ მობრძანდეთ!
მის: მარჯანიშვილის ქ.#7, თიბისი ბანკი
