ზაზა სარალიძემ ინგოროყვას კლინიკის დატოვა და პირდაპირ აქციაზე გაემართა. მისი თქმით, ის იბრძოლებს მანამ, სანამ სამართლიანობას არ მიაღწევს.
„ვბრუნდები აქციაზე, მითუმეტეს, მალხაზ მაჩალიკაშვილი ჩამოსულია. დღეს რაც მოხდა, ამას მე არ ვაპატიებ. შვილი მომიკლეს და ახლა დედაჩემის მოკვლა უნდათ? ვაი, ამათ პატრონს. ან მომკლავენ, ან სამართლიანობას მივაღწევ“, - განაცხადა სარალიძემ.
პარლამენტის შენობასთან აქციაზე კარვების დადგმის გამო აქციის მონაწილეებსა და პოლიციას შორის დაპირისპირება მოხდა. აქციაზე შეუძლოდ გახდნენ ზაზა სარალიძე და მისი დედა, რომლებიც ინგოროყვას კლინიკაში გადაიყვანეს. მათ კლინიკა უკვე დატოვეს.
