საქართველოს ნატო-ში შესაძლო გაწევრიანება საფრთხეს უქმნის რუსულ სამყაროს, რომლის ნაწილიცაა სამხრეთ ოსეთი, - ამის შესახებ რუსეთში ოკუპირებული სამხრეთ ოსეთის ე.წ. ელჩმა ზნაურ გასიევმა განაცხადა.
„რაც შეეხება საქართველოს ნატო-ში შესაძლო გაწევრიანების შედეგებს, აბსოლუტურად მკაფიოდ მესმის, რომ ნატო-ს გაფართოება რუსული სამყაროს წინააღმდეგ ხორციელდება, ხოლო სამხრეთ ოსეთი ამ სამყაროს ნაწილია“, - განაცხადა ე.წ. ელჩმა.
მისივე თქმით, საქართველოს ნატო-ში გაწევრიანება არ შეიძლება შეფასდეს, როგორც დადებითი ფაქტი.
აღსანიშნავია, რომ 11-12 ივლისს ბრიუსელში გამართულ ნატო-ს სამიტზე ალიანსის ლიდერებმა განაცხადეს, რომ საქართველო ნატო-ს წევრი გახდება.
