დონბასის რეგიონში, ფრონტის ხაზზე დაქირავებული ქართველი მეომრები იმყოფებიან,- ამის შესახებ „რია ნოვოსტის“ თვითაღიარებული ლუგანსკის სახალხო რესპუბლიკის „სახელმწიფო უშიშროების სამინისტროს“ პრესსამსახურში განუცხადეს.
„ჩვენი წყაროს ინფორმაციით, 6 დაქირავებული ქართველი მეომარი სტანიცა ლუგანსკაიაში სადაზვერვო-ძირგამომთხრელი საქმიანობისთვის არიან გამწესებულები“, - განაცხადეს პრესსამსახურში.
მათივე თქმით, „სახელმწიფო უშიშროების სამინისტრომ“ დაადგინა დივერსიული ჯგუფის წევრი მეომრების ვინაობა და მათ წინააღმდეგ „აგრესიული ომის დაგეგმვის, მომზადების, გაჩაღებისა და გატარების“ მუხლით სისხლის სამართლის საქმე აღძრა.