საქართველოს მთავარ პროკურატურაში საკადრო ცვლილებები განხორციელდა, - ინფორმაცია ამის შესახებ „ინტერპრესნიუსს“ მთავარი პროკურატურის საზოგადოებასთან ურთიერთობის სამსახურში დაუდასტურეს.
უწყებაში ამ ეტაპზე არ აკონკრეტებენ, თუ ვინ გადადგა თანამდებობიდან და განმარტავენ, რომ ინფორმაცია მოგვიანებით გავრცელდება.
თუმცა, ტელეკომპანია “რუსთავი 2“-ის ინფორმაციით, თბილისის პროკურორის თანამდებობიდან გაათავისუფლეს მიხეილ შაყულაშვილი, ასევე თბილისის პროკურორის მოადგილე, გიორგი გაბოძე. ტელეკომპანიის ინფორმაციით, თბილისის პროკურორის პოსტს სავარაუდოდ, ახალციხის საოლქო პროკურორი, მალხაზ კაპანაძე დაიკავებს.
