საზოგადოებრივი მაუწყებლის თაობაზე პარლამენტის მიერ მიღებულ კანონპროექტზე და მასთან დაკავშირებით პრეზიდენტის ვეტოზე დღეს, უმრავლესობის ფორმატში იმსჯელებენ.
უმრავლესობის სხდომა 11:00 საათზე, “ქართული ოცნების“ ოფისში გაიმართება, რის შემდეგაც გახდება ცნობილი, რა გადაწყვეტილებას მიიღებს მმართველი გუნდი “მაუწყებლობის შესახებ“ კანონში შეტანილ ცვლილებებთან დაკავშირებით.
“უმრავლესობის შეხვედრაზე ყველა იმ საკითხზე ვიმსჯელებთ, რაც მიმდინარე კვირის სესიაზე გამოდის - მათ შორის არის პრეზიდენტის ვეტოს საკითხი“, - განუცხადა “ინტერპრესნიუსს“ უმრავლესობის ლიდერმა არჩილ თალაკვაძემ.
