თბილისში, მეტროს სადგურ "თავისუფლების მოედანთან" მოზარდი დაჭრეს. ამის შესახებ ინფორმაცია „ინტერპრესნიუსს“ სასწრაფო დახმარების სამსახურში დაუდასტურეს. მათივე ინფორმაციით, მოზარდი ინგოროყვას კლინიკაშია გადაყვანილი.
როგორც „ინტერპრესნიუსს“ სასწრაფო დახმარების სამსახურში განუცხადეს, მოზარდს ჭრილობა გულ-მკერდის არეში, ცივი იარაღით აქვს მიყენებული. შინაგან საქმეთა სამინისტროს ინფორმაციით კი, ადგილზე მობილიზებული არიან სამართალდამცველები და მიმდინარეობს ინტენსიური საგამოძიებო მოქმედებები.
