„ერთიანი ნაციონალური მოძრაობა“ საქართველოს ყოფილი პრეზიდენტის, მიხეილ სააკაშვილის „პოლიტიკური დევნის შეწყვეტის მოთხოვნით“ ხელმოწერების შეგროვებას იწყებს. ამის შესახებ პარტიის მიმართვაშია ნათქვამი, რომელიც „ნაციონალურმა მოძრაობამ“ პოლიტიკური საბჭოს სხდომის შემდეგ გაავრცელა.
„მოვუწოდებთ ივანიშვილის ხელისუფლებას, კარგად დაფიქრდეს, გააცნობიეროს შექმნილი უმძიმესი ვითარება, რომელიც მისი ანტისახელმწიფოებრივი ქმედებების შედეგია. ხელი აიღოს ქართული სახელმწიფოს ინტერესების შელახვაზე და შეწყვიტოს საქართველოს მესამე პრეზიდენტის უკანონო პოლიტიკური დევნა. წინააღმდეგ შემთხვევაში, ხელისულფლება მიიღებს სამოქალაქო პროტესტს მთელი ქვეყნის მასშტაბით. ამავდროულად, ვიწყებთ მოქალაქეთა ხელმოწერების შეგროვებას მიხეილ სააკაშვილის პოლიტიკური დევნის შეწყვეტის მოთხოვნით. თავისუფლება მიხეილ სააკაშვილსა და ყველა პოლიტიკურ პატიმარს”, - ნათქვამია „ერთიანი ნაციონალური მოძრაობის“ მიმართვაში.