ოკუპირებულ აფხაზეთში მდებარე სამხრეთ სამხედრო ოლქის რუსული სამხედრო ბაზის ქვედანაყოფებს ახალი ტექნიკა გადაეცათ.
როგორც რუსეთის სამხრეთ სამხედრო ოლქის პრესსამსახურში აღნიშნეს, სამხედრო ბაზას გადაეცა ტანკები Т-72Б3, ჯავშანტრანსპორტიორები БТР-82АМ, მოძრავი სადაზვერვო პუნქტები ПРП-4А Аргус და რადიოელექტრონული ბრძოლის ავტომატიზირებული კომპლექსები Леер-2.
„ახალი ტექნიკით ძველი ჩავანაცვლეთ, მათ შორის ПРП-4 Нард და БТР-80. მიღებული ტექნიკა მუდმივად გამოიყენება სამხედროების მიერ წვრთნებზე. თანამედროვე შეიარაღების გამოყენებამ სამხედრო მომზადების ფარგლებში დადებითად იმოქმედა დანაყოფების ურთიერთქმედებაზე დასახული ამოცანების შესრულებისას“, - განაცხადა რუსეთის ფედერაციის სამხრეთ სამხედრო ოლქის ოფიციალურმა წარმომადგენელმა ვადიმ ასტაფიევმა.
