ბათუმში, 71-ე და 72-ე საარჩევნო უბნებზე ელექტროენერგიის მიწოდება შეწყდა. როგორც ბათუმის 79-ე საოლქო საარჩევნო კომისიაში "ინტერპრესნიუსს" განუცხადეს, ელექტრომომარაგება დაახლოებით 20 წუთის განმავლობაში იყო შეწყვეტილი, თუმცა, საარჩევნო პროცესი არ შეჩერებულა.
როგორც ბათუმის 79-ე საოლქო საარჩევნო კომისიაში აცხადებენ, ამ დროისთვის ელექტროენერგიის მიწოდება ორივე უბანზე აღდგენილია.
ადგილობრივი თვითმმართველობის არჩევნები რეგიონში მშვიდ ვითარებაში მიმდინარეობს.
