საპარლამენტო უმრავლესობის წევრი, დეპუტატი მამუკა მდინარაძე მიიჩნევს, რომ საქართველოში არის აბსოლუტურად გამჭვირვალე წინასაარჩევნო გარემო. ასე ეხმაურება მდინარაძე არასამთავრობო სექტორის მიერ ბოლო დღეებში გამოქვეყნებულ კვლევებს წინასაარჩევნოდ არსებულ დარღვევებთან დაკავშირებით.

არასამთავრობო ორგანიზაციების ბოლოდროინდელ საკმაოდ კრიტიკულ კვლევებს თუ დააკვირდებით, იქ ძალიან ზოგადი მონაცემებია მოტანილი. საქართველოში არის აბსოლუტურად გამჭვირვალე წინასაარჩევნო გარემო, მსგავსი საკითხები რეგულირდება აბსოლუტურად გამჭვირვალედ. „ქართულ ოცნებას“ ჰყავს ძალიან ბევრი მხარდამჭერი და გასაკვირი არ უნდა იყოს ბევრი შემომწირველის რაოდენობაც კი. აქედან გამომდინარე, მე ყველას ვურჩევ, რომ რეალური დასკვნები გააკეთოს მსგავსი თუნდაც განცხადებებიდან და კვლევებიდან“, - განაცხადა მდინარაძემ.