კიევში მიმდინარე საპროტესტო აქციაზე, აქციის მონაწილეებსა და სამართალდამცველებს შორის შეტაკება მოხდა. არსებული ინფორმაციით, შეტაკების შედეგად რამდენიმე ადამიანი დაშავდა, მათ შორის პოლიციელი.
აქციის მონაწილეები გრუშევსკის ქუჩაზე, პარლამენტის შენობასთან კარვების შეტანას და დადგმას ცდილობდნენ, რაც პოლიციელებმა აღკვეთეს.
„აქციის მონაწილეებმა რამდენიმე ჯებირი დააზიანეს. აღნიშნულს შეტაკება მოჰყვა. ერთი პოლიციელი დაშავდა“, - აღნიშნეს უკრაინის შს სამინისტროში.
ამ მომენტში აქციის მონაწილეები უკრაინის პრეზიდენტის ადმინისტრაციისკენ მიემართებიან. კიევში აქციის მონაწილეები დეპუტატების ხელშეუხებლობის გაუქმებას, საარჩევნო კანონმდებლობის შეცვლას და ასევე ანტიკორუფციული სასამართლოს შექმნას ითხოვენ.
