ლიტველებმა ორგანიზაცია მრავალეროვანი საქართველოს დახმარებით საქართველოში მზის ენეგრიის პანელების მონტაჟი დაიწყეს.
ლიტვური ორგანიზაცია “Saulės Grąža”, მოძრაობა „მრავალეროვან საქართველოსთან“ თანამშრომლობით, ახორციელებს პროექტს „ლიტვის ცოდნისა და გამოცდილების გაზიარება საქართველოსადმი მზის ენერგიის ტექნოლოგიის დამონტაჟების მეშვეობით“.
პროექტის ფარგლებში უკვე დამონტაჟდა მზის ენერგიების გენერირების პანელები, როგორც ელექტროენერგიისა და გათბობის წყარო, თიანეთის მუნიციპალიტეტის სოფ. ახალსოფლის საჯარო სკოლისა და თიანეთის ჯანდაცვის რეგიონალური ცენტრის საავადმყოფოს სახურავებზე.
მომდევნო სამონტაჟო ობიექტებია თეთრიწყაროს მუნიციპალიტეტის სოფ. ასურეთის საბავშვო ბაღი და თეთრიწყაროს გამგეობის შენობა.
პროექტის ფარგლებში, მზის ენერგიების გენერირების პანელები, ასევე დამონტაჟდება თბილისის კლასიკურ გიმნაზიაზე.
პროექტის ფინანსურ მხარდაჭერას უზრუნველყოფს ლიტვის გარემოს დაცვის სამინისტრო.
