რუსეთის თავდაცვის სამინისტრომ რუსეთ-ბელორუსის საერთო სამხედრო წვრთნების, „ზაპად 2017“-ის ამსახველი კადრები გაავრცელა. ვიდეოში ლენინგრადის რეგიონში მიმდინარე სასროლო წვრთნები ჩანს. სამხედრო წვრთნები „ზაპად 2017“ 14 სექტემბერს დაიწყო და ბელორუსისა და დასავლეთ რუსეთის ტერიტორიებზე 20 სექტემბრამდე გაგრძელდება.
სამხედრო წვრთნებს თვალყურს „ნატოს“ წარმომადგენლობა ადევნებს, რომელთა ცნობითაც წვრთნები იმაზე გაცილებით მასშტაბურია, ვიდრე წინასწარ იყო გაცხადებული. „ნატო“-ს ოფიციალური განცხადების თანახმად, წვრთნებში არა თუ 12,700, არამედ 100,000-მდე სამხედრო მონაწილეობს და ბალისტიკურ რაკეტებსაც იყენებენ.
რუსეთის თავდაცვის სამინისტროს განცხადებით, წვრთნები თავდაცვითი ხასიათისაა და საფრთხე არც ერთ ქვეყანას არ ემუქრება.
