ბორჯომის ხეობაში, მდინარე გუჯარულაში ვერტმფრენის ამოყვანის სამუშაოებს შინაგან საქმეთა მინისტრი, ასევე საგანგებო შტაბის სხვა წევრები ადგილზე ეცნობიან.
ამჟამად ვერტმფრენის ამოყვანის სამუშაოები მიმდინარეობს. უკვე დაცლილია მდინარეში გაკეთებული სპეციალური აუზი.
ადგილზე მობილიზებულია სპეცტექნიკა. მიმდინარეობს ვერტმფრენზე ამწეს სამაგრების მონტაჟი, რათა მდინარიდან ვერტმფრენის ამოყვანა მოხდეს.
ქართული ვერტმფრენი, რომელიც ბორჯომის ხეობაში ხანძრის სალიკვიდაციო სამუშაოებში მონაწილეობდა, გუშინ მდინარეში, წყლის ავსების დროს ჩავარდა.
