აშშ-ის პრეზიდენტმა დონალდ ტრამპმა არ დაიჯერა რუსეთის პრეზიდენტის ვლადიმერ პუტინის განცხადება იმის თაობაზე, რომ რუსეთი 2016 წლის აშშ-ის საპრეზიდენტო არჩევნებში არ ჩარეულა.
აღნიშნულის შესახებ თეთრი სახლის აპარატის ხელმძღვანელმა რაინს პრიბასმა ტელეარხ Fox News-ისთვის მიცემულ ინტერვიუში განაცხადა.
„პრეზიდენტმა ტრამპმა არ დაიჯერა პრეზიდენტ პუტინის განცხადება, რომელმაც საპრეზიდენტო არჩევნებში ჩარევა უარყო“, - განაცხადა პრიბასმა.
მისი თქმით, აშშ-ის პრეზიდენტმა ვლადიმერ პუტინთან შეხვედრის დაწყებისთანავე დასვა აღნიშნული საკითხი.
როგორც თეთრი სახლის წარმომადგენელმა აღნიშნა, რუსეთის მხრიდან აშშ-ის საპრეზიდენტო არჩევნებში ჩარევის თემას დიდი დრო დაეთმო ორი ქვეყნის ლიდერებს შორის შეხვედრაზე.