რუსეთის პრეზიდენტმა ვლადიმერ პუტინმა დონალდ ტრამპთან შეხვედრის შემდეგ განაცხადა, რომ ამერიკის ლიდერთან განიხილა უკრაინასა და სირიაში არსებული ვითარება, ასევე ტერორიზმთან და კიბერთავდასხმებთან დაკავშირებული საკითხები. ამის შესახებ „ბი-ბი-სი“ იუწყება.
„მე ხანგრძლივი საუბარი მქონდა შეერთებული შატატების პრეზიდენტთან. ბევრი საკითხი დაგროვდა - აქ არის უკრაინა, სირია და სხვა პრობლემები, ზოგიერთი ორმხრივი საკითხი. ჩვენ კვლავ დავუბრუნდით ტერორიზმთან ბრძოლისა და კიბერუსაფრთხოების საკითხებს“, - განაცხადა პუტინმა შეხვედრის შემდეგ.
ჰამბურგში, „დიდი ოცეულის“ სამიტის ფარგლებში ამერიკისა და რუსეთის პრეზიდენტების დღევანდელი შეხვედრა, დაგეგმილზე მეტხანს - 2 საათსა და 16 წუთს გაგრძელდა.
