თქვენი ნებართვით, მე არ წავალ დღევანდელი პოლიტიკური კონტექსტის განხილვის სიღრმეში. ვფიქრობ, ეს პროცესი არის ძალიან მნიშვნელოვანი და ხელისუფლებამ ძალიან მნიშვნელოვანი ნაბიჯები გადადგა საქართველოს დემოკრატიული წინსვლისთვის, - ასე უპასუხა პრემიერ მინისტრმა გიორგი კვირიკაშვილმა პრეზიდენტის რეპლიკას საკონსტიტუციო ცვლილებებთან დაკავშირებით.
როგორც ცნობილია, საქართველოს პრეზიდენტმა გიორგი მარგველაშვილმა დღეს აღნიშნა, რომ საკონსტიტუციო საკითხებზე კონსულტაციებთან დაკავშირებით პრემიერ-მინისტრის განცხადებას მიესალმება. მან, ასევე, საპარლამენტო უმრავლესობას მოუწოდა, არ იძალადოს პოლიტიკურ პროცესზე და აქტიურად ითანამშრომლოს ოპოზიციურ პარტიებსა და საზოგადოებრივ ორგანიზაციებთან.
