მე არ მგონია დავით ნარმანიაზე საზოგადოებაში ბევრი იყოს უარყოფითი აზრის. მან უამრავი კარგი პროექტი გააკეთა, თვითონაც კარგი ადამიანია, - ამის შესახებ, მთაწმინდის პარკში ,,ქართული ოცნების" თბილისის მერობის კანდიდატად კახა კალაძის წარდგენამდე, საპარლამენტო უმრავლესობის ერთ-ერთმა ლიდერმა, გია ვოლსკიმ თბილისის მერის, დავით ნარმანიას მუშაობის შეფასებისას განაცხადა.
” როცა მუშაობ, შესაძლოა შეცდომაც დაუშვა, მაგრამ დიდი შეცდომა ან გადაცდომა მისი მხრიდან არ მახსოვს. არის დასახვეწი საკითხები, საქმის ორგანიზება, საზოგადოებასთან ურთიერთობა და ვფიქრობ, ამას კახა კალაძე თავს კარგად გაართმევს”, - დასძინა ვოლსკიმ.
