მატარებელი, რომელიც ბორჯომიდან ბაკურიანის მიმართულებით მოძრაობდა, ლიანდაგიდან გადავიდა. მომხდარის შედეგად არავინ დაშავებულა. როგორც ”ინტერპრესნიუსს” ”საქართველოს რკინიგზის” საზოგადოებასთან ურთიერთობის სამსახურის უფროსმა დაჩი ცაგურიამ განუცხადა, პრობლემა მალევე აღმოიფხვრა.
„ერთ-ერთ მოსახვევში ლიანდაგი გაიწია და ჩავარდა. ინციდენტი მალევე აღმოიფხვრა და ”კუკუშკას” კვლავ გადაჰყავს მგზავრები“, - განაცხადა ”საქართველოს რკინიგზის” საზოგადოებასთან ურთიერთობის სამსახურის უფროსმა დაჩი ცაგურიამ.
