პრემიერ-მინისტრი გიორგი კვირიკაშვილი საქართველოში აშშ-ის ვიცე-პრეზიდენტის მაიკ პენსის ვიზიტს ვაშინგტონის მხარდაჭერად მიიჩნევს.
"შეერთებული შტატების ვიცე-პრეზიდენტი ივლისში საქართველოს ეწვევა! ორი თვის წინ საქართველოს დელეგაციის ვიზიტის დროს აშშ-ში, მაიკ პენსთან ჩემი შეხვედრისას ვთხოვე მას, ვიზიტით წვეოდა ჩვენს ქვეყანას. ეს არის ძალიან მნიშვნელოვანი ნაბიჯი აშშ-ის მხრიდან საქართველოს მკაფიო მხარდაჭერის კუთხით", - ნათქვამია სოციალურ ქსელში პრემიერის მიერ გავრცელებულ განცხადებაში.
მაიკ პენსი ესტონეთს, საქართველოსა და მონტენეგროს 30 ივლისი-2 აგვისტოს პერიოდში ეწვევა.
