ლანჩხუთის და ჩოხატაურის მაჟორიტარი ნინო წილოსანი გურიაში, სოფელ ნაბეღლავში კომპანია ‘წყალი მარგებელის“ ახალი ქარხნის გახსნას დაესწრო.
ცნობილია, რომ საწარმო ცნობილ ავსტრიულ კომპანიასთან ერთად უალკოჰოლო სასმელების წარმოებას ამატებს. ნინო წილოსანი მიიჩნევს, რომ ეს არა მხოლოდ კონკრეტული კომპანიის, არამედ ქვეყნის ეკონომიკის წარმატებაა. ამის შესახებ წილოსანმა „პირველთან“ განაცხადა:„წყალი მარგებელი“ არის კომპანია, რომელმაც გააერთიანა თანამედროვე ტექნოლოგიები, ქართული სული და გურიის მთების ანკარა წყაროს უნიკალური რესურსი, და აი ასე შექმნა პროდუქტი, რომელიც უკვე წლებია როგორც რაიონის, ისე ქვეყნის ეკონომიკას აძლიერებს. სწორედ ეს არის ბიზნესის წარმატებული მოდელი. მიხარია, რომ კომპანია მუდმივად ვითარდება და უკვე ცნობილ ავსტრიულ კომპანიასთან ერთად უალკოჰოლო სასმელების წარმოებას ამატებს. დღევანდელი დღე უდაოდ მთელი ქვეყნის წარმატებაცაა, რადგან სწორედ სახელმწიფო უზრუნველყოფს იმ სახარბიელო ბიზნეს და საინვესტიციო გარემოს შექმნას, რაც ბიზნეს სექტორის გაფართოებას უწყობს ხელს.
