ერთი მუხლებზე არ დავმდგარვართ, თორემ ყველანაირი ფორმით ვთხოვეთ პრეზიდენტს, ჩართულიყო საკონსტიტუციო კომისიის მუშაობაში, - ამის შესახებ საქართველოს პარლამენტის თავმჯდომარე ირაკლი კობახიძემ პარლამენტის რიგგარეშე სხდომაზე განაცხადა, სადაც კონსტიტუციაში დაგეგმილ ცვლილებებს პირველი მოსმენით განიხილავენ.
როგორც კობახიძემ აღნიშნა, პრეზიდენტისგან ვერ მოისმინეს ვერანაირი არგუმენტი, თუ რატომ არ ერთვებოდა 4 თვის განმავლობაში საკონსტიტუციო კომისიის მუშაობაში.
”აქ ითქვა, რომ ჩვენ ვერ უზრუნველვყავით პრეზიდენტის ჩართულობა საკონსტიტიციო კომისიის მუშაობაში. მეტი რა უნდა გაგვეკეთებინა, არ ვიცი. ათასგვარი ფორმით ვთხოვეთ პრეზიდენტს - ერთი მუხლებზე არ დავმდგარვართ, ყველანაირად ვთხოვეთ, რომ ჩართულიყო კომისიის მუშაობაში. არგუმენტი ვერანაირი ვერ მოვისმინეთ იმასთან დაკავშირებით, თუ რატომ არ ერთვებოდა 4 თვის განმავლობაში კომისიის მუშაობაში. ეს იყო ჩვენი პოზიცია და ამას დაუპირისპირდა პრეზიდენტის აბსოლუტურად არაპრაგმატული და და დესტრუქციული პოზიცია”,- განაცხადა კობახიძემ.