გერმანელმა მუსლიმებმა ექსტრემიზმისა და ძალადობის დაგმობის მიზნით ქალაქ კიოლნში მშვიდობიანი აქცია გამართეს. „ერთად ტერორიზმის წინააღმდეგ“, „ტერორიზმს რელიგია არ აქვს“ - ამ ლოზუნგებით ქალაქის ქუჩებში ათასობით ადამიანი გამოვიდა.
მსვლელობა მუსლიმი სწავლულის, ლამია კადორისა და მშვიდობის აქტივისტის, ტარეკ მოჰამედის მიერ იყო ორგანიზებული.
აქციის ორგანიზებას ცხარე დებატები უძღოდა წინ, რომლის შედეგადაც გერმანიის ერთ-ერთმა უმსხვილესმა ისლამურმა თემმა, თურქულ-ისლამურმა გაერთიანებამ, უარი თქვა მსვლელობაში მონაწილეობის მიღებაზე. საკუთარი გადაწყვეტილების განმარტებისას, გაერთიანების წევრებმა აღნიშნეს, რომ მსვლელობა არასწორი გზავნილი იქნება, თითქოს მუსლიმები პასუხისმგებლები არიან საერთაშორისო ტერორიზმზე.