რუსეთის პრეზიდენტმა ვლადიმერ პუტინმა მზაობა გამოხატა, საჭიროების შემთხვევაში, აშშ-ის გამოძიების ფედერალური ბიუროს ყოფილ დირექტორს ჯეიმს კომის თავშესაფარი მისცეს.
მისი თქმით, ის დეტალურად არ გაცნობია კომის ჩვენებებს, თუმცა მიიჩნნევს, რომ გამოძიების ფედერალური ბიუროს ყოფილ დირექტორს არ მოუყვანია რუსეთის აშშ-ის არჩევნებში ჩარევის მტკიცებულებები.
„თუ ჯეიმს კომის პრობლემები ექნება, ჩვენ მზად ვართ მას თავშესაფარი მივცეთ“, - განაცხადა ვლადიმერ პუტინმა.
რუსეთის პრეზიდენტმა ასევე აღნიშნა, რომ თავს არ თვლის აშშ-ის მტრად.
რუსეთის პრეზიდენტი ვლადიმერ პუტინი დღეს რუსეთის მოქალაქეების კითხვებს პირდაპირ ეთერში პასუხობს.
