ამერიკის მისისიპის შტატში მამაკაცმა რვა ადამიანი დაცხრილა. დამნაშავე ამ დროისთის დაკავებულია. „ასოშიეითიდ პრესის“ ინფორმაცით, დაღუპულთა შორის ადგილობრივი შერიფის მოადგილეც არის.
თავდამსხმელმა სამი სახლი შემოიარა - ორი ქალაქ ბრუქჰეივენში და ერთი - ბოგ-ჩიტოში. ამ დროისთვის უცნობია, იცნობდა თუ არა დაკავებული მამაკაცი გარდაცვლილებს.
„ბი-ბი-სი“ კი ადგილობრივ პრესაზე დაყრდნობით იუწყება, რომ დამნაშავემ პოლიციას განუცხადა, რომ მომხდარის გამო წუხს და როგორც თავად აცხადებს, სიცოცხლეს არ იმსახურებს. მომხდარის მოტივი ამ დროისთვის უცნობია.
