მსოფლიოს სხვადასხვა ქვეყნის მსგავსად, კიბერშეტევის რამდენიმე შემთხვევა საქართველოშიც დაფიქსირდა. ამის შესახებ მონაცემები intel.malwaretech.com-ზეა მითითებული.
ინტერნეტში სხვადასხვა წყაროს მონაცემებით, ბოლო პერიოდში, კიბერშეტევების რაოდენობა მატულობს და მსოფლიოს ათობით ქვეყანაზე ვრცელდება.
მსოფლიოს მასშტაბით, რამდენიმე ქვეყანაში, ორგანიზაციებზე კიბერთავდასხმები რამდენიმე საათის წინ დაიწყო. ელექტრონული სერვერები დავირუსდა - დაიბლოკა კომპიუტერები, რის მოსახსნელადაც თანხის გადახდა არის საჭირო.
კიბერთავდასხმების შესახებ საუბრობენ ბრიტანეთში, აშშ-ში, ჩინეთში, რუსეთში, ესპანეთში, ვიეტნამში, ტაივანსა და სხვა ქვეყნებში. რუსული მედია იუწყება, რომ ქვეყნის შსს-ს სისტემა დავირუსდა. ბრიტანეთში კი, ჯანდაცვის კომპიუტერულ სისტემას შეექმნა პრობლემები.
