პრეზიდენტის გამოსვლა პარლამენტში კარგი შესაძლებლობაა ვისაუბროთ იმ პრობლემებზე, რომელიც ქვეყანაში დაგროვდა, - ამის შესახებ პარლამენტის ვიცე-სპიკერმა სერგი კაპანაძემ ჟურნალისტებთან საუბრისას განაცხადა.

მისი თქმით, ოპოზიცია თავის გამოსვლებში კრიტიკული იქნება.

,,პრეზიდენტის გამოსვლა პარლამენტში არის კარგი შესაძლებლობა ვისუბროთ იმ პრობლემებზე, რაც ქვეყანაში დაგროვდა, იქნება ეს ეკონომიკური თუ სოციალური პრობლემები. გვექნება შესაძლებლობა ვისაუბროთ იმ სერიოზულ ცვლილებებზეც, რომელსაც ხელისუფლება აპირებს პრეზიდენტის ინსტიტუტის არჩევითობის შეზღუდვასთან დაკავშირებით. ჩვენ ამ თემებზე გვექნება დებატები და ვიქნებით კრიტიკულები. პრეზიდენტის პარლამენტში გამოსვლისას გვექნება შესაძლებლობა მთავრობასაც დავუსვათ კითხვები. ბოლო პერიოდში თითქმის ყოველდღე ვითხოვთ მთავრობის პარლამენტში მოსვლას. მიუხედავად იმისა, რომ ამას კანონი ავალდებულებს, მთავრობა საკანონმდებლო ორგანოში არ მოდის“, - განაცხადა სერგი კაპანაძემ.

პრეზიდენტი გიორგი მარგველაშვილი ყოველწლიური მოხსნებებით პარლამენტში 7 აპრილს წარსდგება.