ის, რომ “ქართულ ოცნებას” აქვს დაბალი რეიტინგი, მხოლოდ 26%, ეს არის მიმანიშნებელი იმისა, რომ მოსახლეობაში არის ძალიან დაბალი ნდობა ამ პოლიტიკური ძალის მიმართ. ამის შესახებ “ევროპული საქართველოს” წევრმა სერგი კაპანაძემ ჟურნალისტებს IRI-ს კვლევებთან დაკავშირებით განუცხადა.

მისი თქმით, ასეთი კვლევები კარგად ასახავს ხოლმე მოსახლეობის განწყობას მოცემულ მომენტში, როდესაც ტარდება ველი. “ის, რომ ჩვენს პოლიტიკურ ძალას აქვს 8%, მეტყველებს იმაზე, რომ როგორც სასტარტო მონაცემი, ჩვენ კარგად დავიწყეთ. ეს ველი მაშინ გატარდა, როდესაც იქმნებოდა პარტია. აქედან გამომდინარე, კმაყოფილები ვართ. რა თქმა უნდა, აქ გაჩერებას არ ვაპირებთ და ჩვენი ამოცანაა, ზოგადად ხელისუფლების შეცვლა. ის, რომ “ქართულ ოცნებას” აქვს დაბალი რეიტინგი, მხოლოდ 26%, ეს არის მიმანიშნებელი იმისა, რომ მოსახლეობაში არის ძალიან დაბალი ნდობა ამ პოლიტიკური ძალის მიმართ. აქამდე არასოდეს ყოფილა მოგებული არჩევნების შემდეგ ასე დაბალი შეფასება. ეს არის ძალიან კარგი ინდიკატორი საზოგადოებრივი განწყობის”, - განაცხადა სერგი კაპანაძემ.

IRI-ს კვლევის მიხედვით, შემდეგ კვირას ადგილობრივი არჩევნები რომ ტარდებოდეს, გამოკითხულთა 26% „ქართულ ოცნებას“ მისცემდა ხმას, 15% “ნაციონალურ მოძრაობას”, ხოლო 7% “ევროპულ საქართველოს“.