საპარლამენტო უმრავლესობის წევრი კახაბერ ოქრიაშვილის განცხადებით, 11 მარტს ბათუმში აქცია სპონტანურად დაიწყო, თუმცა ის ბოროტმა ზალებმა გამოიყენეს, მათ შორის „ნაციონალური მოზრაობის“ წევრებმა.
„ეს მოვლენები, შესაძლოა, დაიწყო სპონტანურად, მაგრამ ბოროტმა ძალებმა გამოიყენეს სპონტანური პროცესი, რომელშიც “ნაციონალური მოძრაობის” აქტიური ახალგაზრდები და არაახალგაზრდებიც მონაწილეობდნენ. ასე რომ, ეს მტკიცებულებები უკვე არსებობს, მაგრამ მოდით გამოძიებას დაველოდოთ. მე ვენდობი გამოძიებას და საბოლოო დასკვნებს მოვუსმინოთ, როდესაც გამოძიება დამთავრდება”, - განაცხადა ოქრიაშვილმა.
