ჩვენ მეტი პასუხისმგებლობით და მეტი დაფიქრებით გვმართებს ცხოვრება ქვეყანაშიც და ევროპაშიც, - ამის შესახებ პარლამენტის ყოფილმა თავმჯდომარემ, დავით უსუფაშვილმა ”პალიტრანიუსის” გადაცემაში ”360 გრადუსი” განაცხადა. მისი თქმით, ევროპაში უვიზო მიმოსვლის ამოქმედება მნიშვნელოვანია, თუმცა ამ პროცედურას დამატებითი პასუხისმგებლობა ახლავს.
პარლამენტის ყოფილი თავმჯდომარის განცხადებით, ქვეყანას სჭირდება ობიექტური დამკვირვებელი და იმ სტანდარტებით ცხოვრება, რომელიც თავისუფლებას და კეთილდღეობას ერთდროულად უზრუნველყოფს.
”ამ გადაწყვეტილებას ახლავს ძალიან მნიშვნელოვანი დათქმა, რომ თუ პროცესში პრობლემები გაჩნდა, მაშინ ევროკავშირი ძალიან გამარტივებული წესებით გააუქმებს ამ გადაწყვეტილებას. ასეთი რისკები იქნება, თუ ჩვენ ჩვენი ცხოვრება უკეთ არ მოვაწესრიგეთ. ჩვენ მეტი პასუხისმგებლობით და მეტი დაფიქრებით გვმართებს ცხოვრება ქვეყანაშიც და ევროპაშიც.
ჩვენ კვლავ გვჭირდება გარე ობიექტური დამკვირვებელი და იმ სტანდარტებით ცხოვრება, რომელიც თავისუფლებას და კეთილდღეობას ერთდროულად უზრუნველყოფს. ევროპა არ არის მხოლოდ კეთილდღეობა, ევროპა არის თავისულება და ევროპა არ არის მხოლოდ თავისუფლება, ევროპა არის კეთილდღეობა. მიღებული გადაწყვეტილება არის მნიშვნელოვანი, მაგრამ არასაკმარისი ნაბიჯი. იმედია გავაგრძელებთ სწორი გზით სიარულს”, - განაცხადა დავით უსუფაშვლიმა.
