მართლმადიდებელი ეკლესია ხვალ ხორციელის კვირიაკეს, საშინელი სამსჯავროს ხსენებას აღნიშნავს. ამასთან დაკავშირებით ტაძრებში წირვა-ლოცვა შესრულდება.
დიდმარხვის დაწყებამდე ეკლესია მორწმუნეებს უფლის საშინელ სამსჯავროს ახსენებს, რომლის წინაშეც ყველას მოუწევს წარდგომა. საშინელ სამსჯავროზე ადამიანები მათი საქმეების მიხედვით განიკითხებიან და ჯოჯოხეთში ან სამოთხეში საუკუნო განსასვენებელს პოვებენ.
ხვალ ასევე ხორცის აკრეფა მოხდება, რომლის შემდეგაც მარხვის დაწყების მსურველებს ხორცის მიღება აღარ შეეძლებათ.
საეკლესიო კალენდრით, ხორციელის კვირას შემდეგ ყველიერის კვირა მოსდევს, რომლის დროსაც ეკლესიური ადამიანები კვირის განმავლობაში მხოლოდ რძის პროდუქტებს მიიღებენ.
დიდმარხვა წელს 27 თებერვალს დაიწყება და 16 აპრილს, უფლის აღდგომის ბრწყინვალე დღესასწაულზე დასრულდება.
![ვრცელდება ვიდეო, სადაც ჩანს, როგორ ურტყამს ზვიად რატიანი ხელს პოლიციელს [video]](https://for.ge/uploads/images/thumbs/1750865324_303596.png)
![ენგურჰესი [ვიდეო]](https://for.ge/uploads/images/thumbs/1751265941_303840.jpg)
