კვლევითი ორგანიზაცია Harris Interactive-ის მიერ გამოქვეყნებული გამოკითხვის თანახმად, ათიდან რვა ფრანგი (82%) მიესალმება საფრანგეთის პრეზიდენტის ფრანსუა ოლანდის გადაწყვეტილებას 2017 წლის საპრეზიდენტო არჩევნებში მონაწილეობის მიუღებლობის თაობაზე, - იუწყება ფრანგული Le Figaro.
კითხვაზე, „მიესალმებით თუ გმობთ ფრანსუა ოლანდის არჩევანს 2017 წლის საპრეზიდენტო არჩევნებზე თავისი კანდიდატურის წარუდგენლობის თაობაზე“, გამოკითხული ფრანგების 82%-მა განაცხადა, რომ „მიესალმებიან“ ამ გადაწყვეტილებას, 4%-მა განაცხადა, რომ „გმობენ“ პრეზიდენტის არჩევანს, ხოლო 14%-მა აღნიშნა, რომ „არ გააჩნიათ პასუხი დასმულ კითხვაზე“.
გუშინ საფრანგეთის პრეზიდენტმა ფრანსუა ოლანდმა სატელევიზიო მიმართვაში განაცხადა, რომ საფრანგეთის საპრეზიდენტო არჩევნებში მეორე ვადით მონაწილეობას არ მიიღებს.
