ვახტანგ კაპანაძე, რომელსაც საქართველოს შეიარაღებული ძალების გენშტაბის უფროსის თანამდებობაზე ვლადიმერ ჩაჩიბაია შეცვლის, მუშაობას ნატო-ში გააგრძელებს.
ამის შესახებ ჟურნალისტებს უშიშროების საბჭოს სხდომის შემდეგ ვახტანგ კაპანაძემ განუცხადა.
ამასთან, ინფორმაცია ვახტანგ კაპანაძის ნატო-ში საქართველოს სამხედრო წარმომადგენლად დანიშვნის შესახებ საქართველოს პრეზიდენტმაც დაადასტურა.
ვახტანგ კაპანაძეს გენშტაბის უფროსის თანამდებობაზე ვადა ეწურება.
"მე ვარ სამხედრო მოსამსახურე და გავაგრძელებ ქვეყნის სამსახურში ყოფნას. არის შემოთავაზება, რომ ნატო-ში საქართველოს მთავარ სამხედრო წარმომადგენლად წავიდე. დარწმუნებული ვარ, ბევრ სასიკეთო საქმეს გავაკეთებ", - განაცხადა კაპანაძემ და ჟურნალისტებს თანამშრომლობისთვის მადლობა გადაუხადა.
