მოლდოვას საპრეზიდენტო არჩევნებში სოციალისტი კანდიდატი იგორ დოდონი ლიდერობს. წინასწარი მონაცემებით, მოლდოვას ცენტრალური საარჩევნო კომისიის მიერ დათვლილია ბიულეტენების 90,15%. „სოციალისტური პარტიის“ ლიდერს ამომრჩეველთა 49,77%-მა დაუჭირა მხარი. მეორე ადგილს იკავებს „მოქმედება და სოლიდარობის“ ლიდერი მაია სანდუ, 36,93%-ით, ხოლო მესამე ადგილზე „ჩვენი პარტიის“ ლიდერი დიმიტრი ჩუბაშენკოა, 5,81%-ით.
აღნიშნული შედეგების მიხედვით დიდია საპრეზიდენტო არჩევნების მეორე ტურის ჩატარების ალბათობა.
