ყოფილი დეპუტატი, ხათუნა ხოფერია აცხადებს, რომ უკრაინის ხელისუფლების მხრიდან, რეაგირება უნდა მოხდეს, რადგან მათი ერთ-ერთი თანამდებობის პირი პროვოკაციების მოწყობაშია ჩართული.
ხათუნა ხოფერია უკრაინის პრეზიდენტს მოუწოდებს, ან დაადასტუროს ან უარყოს მისი პროვოკაციებში შესაძლო ჩართულობის შესახებ გავრცელებული ინფორმაცია.
"ავთენტურობაში ეჭვი რ მეპარება. ადრეც ბევრი ჩანაწერი გავრცელდა. ამას ადასტურებდა შს მინისტრის განცხადებებიც, რომელიც დესტაბილიზაციაზე საუბრობდა. უკრაინის ხელისუფლების მხრიდან, არ ხდება რეაგირება, რომ მათი ხელისუფლების ერთ-ერთი უმაღლესი პირი ჩართულია პროვოკაციებში. პროშენკო ახსენა სააკაშვილმა. ის აცხადებს, რომ ისიც ჩართულია ამ პროცესებში. პოროშენკომ უნდა გააკეთოს განცხადებები და ან უარყოს, ან დაადასტუროს. საქართველოს საგარეო საქმეთა სამინისტრომ უნდა დაიბაროს უკრაინის ელჩი. რაც შეეხება შს სამინისტროს, მან ელჩი უნდა დაკითხოს", - განაცხადა ხოფერიამ.
უკრაინის საელჩოსთან საპროტესტო აქცია მიმდინარეობს. აქციას არასამთავრობო ორგანიზაცია, "სახალხო კონტროლი", სოციალური ფორუმი, "ამერიკის ნამდვილი მეგობრები", GFA და მოქალაქეთა სხვადასხვა გაერთიანებები ესწრებიან.
