გუშინ ღამით, ზუგდიდში, ცოტნე დადიანის ქუჩაზე, „გალფის“ ბენზინგასამართ სადგურზე აფეთქება მოხდა. როგორც „ინტერპრესნიუსს“ თვითმხილველმა განუცხადა, ცეცხლი რეზერვუარში გაჩნდა, რის შემდეგაც უკვე ბენზინგასამართ სადგურს მოედო, თუმცა სახანძრო-სამაშველო სამსახურმა მალევე შეძლო ხანძრის ლოკალიზება.
ადგილზე სამართალდამცველები მუშაობდნენ. პერიმეტრი პოლიციელებს ჰქონდათ შემოსაზღვრული, რადგან აფეთქების საშიშროება არსებობდა.
