საერთაშორისო კოალიციური ძალების ავიაიერიშის შედეგად ერაყის ქალაქ მოსულთან დაჯგუფება „ისლამური სახელმწიფოს“ ორი მაღალი რანგის ხელმძღვანელის ლიკვიდაცია მოხდა.
როგორც „ბიბისი“ პენტაგონზე დაყრდნობით იტყობინება, ერთ-ერთი მათგანი ბასმ მუჰამად აჰმად სულთან ალ-ბაჰარი, დაჯგუფების სამხედრო მინისტრის მოადგილე იყო და 2014 წელს ქალაქ მოსულის აღებას პირადად ხელმძღვანელობდა.
მეორე დაღუპული ჰატიმ ტალიბ ალ-ჰამდუნია, რომელიც, არსებული ინფორმაციით, „ისლამური სახელმწიფოს“ ერთ-ერთ ქვედანაყოფს ხელმძღვანელობდა.
პენტაგონის ცნობით, მათი ლიკვიდაცია 25 ივნისს მოხდა.
