ეუთო-ს საპარლამენტო ასამბლეაში რუსეთის ფედერაციის წარმომადგენელი ლეონიდ სლუცკი აცხადებს, რომ ის მხარს დაუჭერს ეუთო-ს საპარლამენტო ასამბლეის პრეზიდენტად გიგი წერეთლის კანდიდატურას.

სლუცკის განცხადებით, სხვა ქართველი პოლიტიკოსებისგან განსხვავებით, გიგი წერეთელი რუსეთის მიმართ კონსტრუქციული განცხადებებით გამოირჩევა.

"ჩვენ არ ვართ წინააღმდეგი გიგი წერეთლის კანდიდატურის, ვინაიდან სხვა ქართველი პოლიტიკოსებისგან განსხვავებით, ის რუსეთის მიმართ, კონსტრუქციული განცხადებებით გამოირჩევა. ვიცი, რომ ის "ნაციონალური მოძრაობის" წევრია, თუმცა ამ მოძრაობას ჰყავს როგორც მარგინალი წარმომადგენლები, ასევე კონსტრუქციული წევრები. მზად ვართ, მხარი დავუჭიროთ გიგი წერეთელს. რაც შეეხება ჩვენს ქვეყნებს შორის ურთიერთობებს, დროა, დავიწყოთ, როგორც დიპლომატიური, ასევე ეკონომიკური ურთიერთობების ნორმალიზება",- განაცხადა ლეონიდ სლუცკიმ.