დიდ ბრიტანეთში ჩატარებული გამოკითხვის თანახმად, ქვეყნის ევროკავშირიდან გასვლის მომხრეებისა და მოწინააღმდეგეების რაოდენობა თანაბარია .
კომპანია YouGov-ის მიერ ჩატარებული გამოკითხვის თანახმად, დიდი ბრიტანეთის ევროკავშირიდან გასვლას რესპონდენტების 43% უჭერს მხარს, წევრობის შენარჩუნებას კი - 42%. გამოკითხულთა 11%-ს საბოლოო გადაწყვეტილება ჯერ არ მიუღია.
დიდ ბრიტანეთში ქვეყნის ევროკავშირიდან დარჩენა-არდაჩენის საკითხზე რეფერენდუმი 23 ივნისს გაიმართება. დასავლეთში ბევრი ვარაუდობს, რომ გაერთიანებული სამეფოს ევროკავშირიდან გასვლა ჯაჭვურ რეაქციას გამოიწვევს და ანალოგიურ რეფერენდუმს სხვა ევროპული ქვეყნებიც ჩაატარებენ.
