თბილისში, კანდელაკის ქუჩაზე მომხდარი ავარიის შედეგად ახალგაზრდა მამაკაცი გარდაიცვალა. ერთმანეთს სამი მსუბუქი ავტომობილი შეეჯახა. ავარიის შედეგად ასევე დაშავდა ხუთი ადამიანი, მათ შორის ბავშვი. ისინი სასწრაფო-სამედიცინო დახმარების ბრიგადამ სხეულის დაზიანებებით თბილისის სხვადასხვა სამედიცინო დაწესებულებებში გადაიყვანა.
როგორც „ინტერპრესნიუსს“ შინაგან საქმეთა სამინისტროს პრესსამსახურში განუცხადეს, მომხდართან დაკავშირებით გამოძიება 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
