სიღნაღის თეატრის დასის ზოგიერთი წევრის კანადაში არალეგალად დარჩენასთან დაკავშირებით თეატრის რეჟისორი მურად ვაშაკიძე კომენტარს აკეთებს.
ვაშაკიძე მომხდარს ”ცუდ ფაქტს”, შესაბამის პირებს კი ”სუსტ პიროვნებებს” უწოდებს.
„მართლაც ცუდი ფაქტი მოხდა. დასიდან რამდენიმე სუსტი პიროვნება იქ დარჩა და დასის წარმატებას ჩრდილი მიაყენა. ვიზები 15 ნოემბრამდე გვქონდა. ჩვენი რაიონის წარმომადგენელი, რომელიც კანადაში 18 წელიწადია ცხოვრობს და ეტყობა ამ საქმეებით არის დაკავებული, შეგვხვდა და რამდენიმე ადამიანი გადაიბირა. მათ დაპირდა, რომ საათში 20-დოლარიან სამუშაოზე მოაწყობდათ. ამ გაჭირვებულ ადამიანებს ასეთი შეთავაზება მოეწონათ და დარჩნენ. რა თქმა უნდა, ამით დავზარალდი, რადგან როდესაც დავბრუნდებოდით, სპექტაკლი სატელევიზიოდ უნდა ჩაგვეწერა“, - აღნიშნა თეატრის რეჟისორმა მურად ვაშაკიძემ.
სიღნაღის თეატრი გასტროლით კანადაში იმყოფებოდა. დასის 6 წევრი იქ არალეგალად დარჩა, მათ შორის მხატვარი, მომღერალი და სამი მსახიობია.
სიღნაღის თეატრი გასტროლით კანადაში იმყოფებოდა. დასის 6 წევრი იქ არალეგალად დარჩა, მათ შორის მხატვარი, მომღერალი და სამი მსახიობია.
