წინა ”ნაციონალურ მოძრაობაზე” უკეთესები უნდა ვიყოთ - ჩვენ უნდა გავაუმჯობესოთ ის მიმართულებები, სადაც კარგები ვიყავით და იქ, სადაც შეცდომები დავუშვით, შეცდომები არ უნდა გავიმეოროთ, - ამის შესახებ ჟურნალისტებს ”ერთიანი ნაციონალური მოძრაობის” საარჩევნო სიის მეექვსე ნომერმა ოთარ კახიძემ განუცხადა.
მისივე თქმით, ბოლო კვლევებით ”ნაციონალურ მოძრაობასა” და ”ქართულ ოცნებას” დაახლოებით თანაბარი შანსები აქვთ. ”თუმცა, ბუნებრივია, ჩვენ ვგეგმავთ საარჩევნო კამპანიის ეფექტურად წარმართვას, ჩვენი მოქალაქეების დარწმუნებას იმაში, რომ ჩვენ უკეთ შეგვიძლია იმ პრობლემების მოგვარება და იმ კრიზისიდან ქვეყნის გამოყვანა, რომელშიც ის იმყოფება. იმედი გვაქვს, ამ შეჯიბრში გავიმარჯვებთ”, - აღნიშნა კახიძემ და დასძინა, რომ მათი მთავარი გზავნილია, საკუთარ თავზე უკეთესები გახდნენ და საკუთარ თავს შეეჯიბრონ.
