ერაყის ქალაქ ბალადში მომხდარ სროლასა და აფეთქებას ჯამში 16 ადამიანი ემსხვერპლა, 30 კი დაშავდა. „ბი-ბი-სის“ ინფორმაციით, დაუდგენელმა პირებმა ერთ-ერთი კაფე-ბარის მისამართით ავტომობილიდან ცეცხლი მაშინ გახსნეს, როდესაც იქ ხალხმრავლობა იყო. ისინი შემთხვევის ადგილიდან მიიმალნენ.
სროლის შედეგად კაფეში მყოფი მშვიდობიანი მოქალაქეები დაიღუპნენ. ინციდენტს რამდენიმე საათში ბაზართან აფეთქება მოჰყვა. ორივე შემთხვევაზე პასუხისმგებლობა ტერორისტულმა დაჯგუფება „ისლამურმა სახელმწიფომ” აიღო. აღსანიშნავია, რომ ქალაქი ბალადი შიიტი მუსლიმებითაა დასახლებული, რომელთა წინააღმდეგ თავდასხმები სისტემატურად ხორციელდება.
