საქართველოს ეროვნული ბანკის პრეზიდენტად კობა გვენეტაძის დანიშვნიდან დღემდე სებ-მა სავალუტო აუქციონზე 95 მილიონი დოლარი შეიძინა.
უფრო კონკრეტულად, ეროვნული ბანკის მიერ დოლარის აღნიშნული მასა ბაზრიდან ამოღებულია 17 მარტიდან დღემდე პერიოდში.
კერძოდ, ეროვნულმა ბანკმა 17 მარტს - 5 მილიონი დოლარი, 21 მარტს - 10 მილიონი დოლარი, 14 აპრილს - 10 მილიონი დოლარი, 20 აპრილს - 10 მილიონი დოლარი, 21 აპრილს - 20 მილიონი დოლარი, 5 მაისს - 20 მილიონი დოლარი და 10 მაისს - 20 მილიონი დოლარი შეისყიდა.
2016 წლის 17 მარტამდე ბოლო სავალუტო აუქციონი, რომელზეც ეროვნულმა ბანკმა დოლარი შეიძინა, 2014 წლის 26 აგვისტოს გაიმართა. 2015 წლის განმავლობაში სებ-ს დოლარი არ შეუძენია.
