თბილისის სახელმწიფო უნივერსიტეტის რექტორის მოვალეობის შემსრულებელმა დარეჯან თვალთვაძემ, რომელიც ”აუდიტორია 115”-ის წევრებს უნდა შეხვედროდა, სტუდენტებს შეხვედრის გადადება სთხოვა.
დარეჯან თვალთვაძე ”აუდიტორია 115”-ის წევრებთან მივიდა და მიმართა, რომ უმჯობესი იქნებოდა, თუ შეხვედრა მომავალში სხვა ფორმატით გაიმართებოდა, რომელშიც მონაწილეობის მიღებას უფრო მეტი სტუდენტი შეძლებდა.
რექტორის მოვალეობის შემსრულებლის ინიციატივამ ”აუდიტორია 115”-ის წევრების უკმაყოფილება გამოიწვია. მათი განცხადებით, აქვთ მოლოდინი, რომ შეიქმნება პრეცედენტი, როდესაც რექტორის მოვალეობის შემსრულებელი მომავალში რექტორი არ გახდება.
დარეჯან თვალთვაძემ კიდევ ერთხელ დაადასტურა, რომ მის მთავარ მიზანს ამ ეტაპზე უნივერსიტეტის რექტორის არჩევნების მომზადება წარმოადგენს და ამ ეტაპზე რექტორობაზე არ ფიქრობს, რის შემდეგაც მან ”აუდიტორია 115” დატოვა.
