ენერგეტიკის მინისტრის, ვიცე-პრემიერ კახა კალაძის განცხადებით, მან ზუსტად არ იცის, ჩაერთვება თუ არა წინასაარჩევნიო კამპანიაში ყოფილი პრემიერი ბიძინა ივანიშვილი.
კალაძის თქმით, „ქართული ოცნება“ ბიძინა ივანიშვილის მიერ არის დაფუძნებული და მისი ჩართვა საარჩევნო კამპანიაში გუნდს მხოლოდ დაეხმარება.
"თქვენ იცით, რომ „ქართული ოცნება“ დაფუძნებულია ამ ადამიანის მიერ და ის რომ ჩართული იყოს საარჩევნო კამპანიაში, ვფიქრობ, მისასალმებელია. ეს ხელს შეუწყებს „ქართული ოცნების“ წიინასაარჩევნო კამპანიის ჩატარებას. როგორ, რა ფორმით და ჩაერთვება თუ არა საერთოდ, ამაზე ვიმსჯელებთ“, - განაცხადა კალაძემ.
