მმართველ კოალიციაში მყოფი 5 პოლიტიკური პარტია ოქტომბრის არჩევნებში დამოუკიდებლად მიიღებენ მონაწილეობას,- განაცხადა დღეს პრემიერ-მინისტრმა, გიორგი კვირიკაშვილმა.
„ნორმალურია, რომ ყველა პარტიამ დამოუკიდებლად მიიღოს მონაწილეობა არჩევნებში და ამის შემდეგ, როგორც საერთაშორისო გამოცდილება გვკარნახობს, შესაძლებელია კოალიციის ფორმირება“,- განმარტა კვირიკაშვილმა რესპუბლიკელების პარტიის ლიდერთან - დავით უსუფაშვილთან- შეხვედრის შემდეგ.
დღევანდელი კოალიცია, რომელიც შეიქმნა 2012 წლის არჩევნების შედეგად, მოიცავს ეროვნული ფორუმს,კონსერვატიულ პარტიასა და პარტიას ,,მრეწველობა გადაარჩენს საქართველოს“.
რესპუბლიკური პარტია, რომელიც საბჭოთა კავშირის დროს შეიქმნა არალეგალურად, გასული საუკუნის 70-იან წლებში, შეინარჩუნებს მთავრობაში თანამდებობებს კვირიკაშვილის ხელმძღვანელობის ქვეშ ოქტომბრის არჩევნებამდე.
„2012 წელს ჩვენ შევთანხმდით ქვეყნის საერთო მართვაზე. არავითარ შემთხვევაში არ შევუქმნით საფრთხეს საქართველოს სტაბილურობას,“- თქვა უსუფაშვილმა.
პრემიერ-მინისტრმა აღნიშნა, რომ „პარტიული კუთვნილების მიუხედავად, მთავრობის სტაბილური მუშაობა არის მნიშვნელოვანი“.
აღსანიშნავია ისიც, რომ პარტიის ,,მრეწველობა გადაარჩენს საქართველოს“ დეპუტატმა ზურაბ ტყემალაძემ,პრემიერ კვირიკაშვილის გამოსვლის შემდეგ განაცხადა, რომ კოალიცია ,,ქართული ოცნება“ დაშლილია.
