ჩუღურეთის რაიონში, ამხანაგობების განვითარების ხელშეწყობის პროგრამის ფარგლებში, ინიცირებული ინფრასტრუქტურული პროექტების განხორციელება გრძელდება.
ჩიტაიას N23-ში, წინამძღვრიშვილის N41-ში, გრემის N7-სა და ნათიშვილის N7 -ში საცხოვრებელ სახლებს გამაგრებითი სამუშაოები უტარდება, გამაგრდება სახლის საძირკველი, კედელი მოიჭიმება ლითონის ბადით. სარემონტო სამუშაოების ღირებულება შეადგენს 249 029 ლარს.
სამუშაოებს ჩუღურეთის რაიონის გამგეობა 2015 წლის ბიუჯეტიდან 90%-ით დააფინანსებს, ხოლო ბინათმესაკუთრეთა ამხანაგობა სამუშაოების ღირებულების მხოლოდ 10%-ს გადაიხდის. აღნიშნულ მისამართზე ცხოვრობს 50 ოჯახი.
ამ დროისთვის, ჩუღურეთის რაიონში, ამხანაგობების განვითარების ხელშეწყობის პროგრამის ფარგლებში, სამუშაოები მიმდინარეობს 80 მისმართზე.
