ბელგიის საზოგადოებრივმა მაუწყებელმა გუშინ განხორციელებულ ტერაქტებთან დაკავშირებით გავრცელებული ინფორმაცია ჩაასწორა.
"ფოქს ნიუსის" ცნობით, ადრე ვრცელდებოდა ინფორმაცია, რომ ბრიუსელის აეროპორტზე თავდასხმაში მონაწილე პირებს შორის ძმები ხალიდ და ბრაჰიმ ელ-ბაკრაუი იყვნენ, თუმცა, ბოლო ინფორმაციით, ერთ-ერთმა ძმამ მონაწილეობა აეროპორტში, მეორემ კი მეტროში განხორციელებულ აფეთქებაში მიიღო.
გავრცელებული ცნობით, ორივე მკვდარია. კიდევ ერთი ეჭვმიტანილი, ნაზიმ ლააშრაუი კი დააკავეს. 25 წლის ეჭვმიტანილი ქალაქ ანდერლეხტში დააკავეს. იგი ერთ-ერთია იმ სამ პირს შორის, რომელიც ბელგიის პოლიციის მიერ გავრცელებულ აეროპორტში სათვალთვალო კამერით გადაღებულ კადრებში ჩანს.
